阿妙韓國食記

關於，在韓國的生活費問題。好多人關心，過來工作假期，要儲幾多錢先夠。其實冇話要儲幾多的，因為這個「假期」是需要工作的，你是可以有收入的。不過如果你冇打算工作，也是有數得計： 最基本的節衣縮食生活： 租金：hkd3000　（新村考試院大約40-45萬一個月，即hkd2800-3100） 車費：hkd500　　（一程地鐵1050won=hkd7，以每日搭兩程，搭足三十日） 吃飯錢：hkd2000 （一日飯錢hkd60左右） 其他雜費：hkd500（夠你買日常生活必須品，唔計買衫買鞋） ＝hkd 6000／一個月 所以，在首爾的一個月生活，最少也需要6000港幣左右。所以，如果你要留一年，完全不工作，你這年的生活費將會是港幣72000左右。 如果你需要讀韓文，讀普通學堂如ｙｍｂ，每個月加2000-2500港幣。如果讀大學語言學堂，每個月加3500港幣左右。 如果你需要買好多衫同化妝品，每個月另加3000-5000港幣。 如果你要住得好ｄ，住officetel、oneroom，則要預多3-5萬做保證金。 但，其實，有幾多人可以真係儲十萬過來玩丫～～～阿妙想當年過來時，全副身家只有hkd 25000，我亦可以生存到現在。ｈａｈａ～所以，不用太擔心，隨緣就好。 關於阿妙的韓國工作假期，可參考以下網頁： http://www.utravel.com.hk/member-blog/search.php?id=ADIRZREu&q_post=%E5%B7%A5%E4%BD%9C%E5%81%87%E6%9C%9F

【申請工作假期】 韓國領事館，簽證申請表DOWNLOAD http://hkg.mofa.go.kr/english/as/hkg/visa/download/index.jsp 韓國領事館，工作假期簽證申請需知 http://hkg.mofa.go.kr/english/as/hkg/visa/korea/index.jsp HI! KOREA http://www.hikorea.go.kr/pt/index.html 韓國觀光公社 http://big5chinese.visitkorea.or.kr/cht/index.kto   【韓國生活及工作資訊】 奮鬥在韓國 http://www.icnkr.com/ 首爾交叉路（搵工版面） http://skcr.kyocharojob.co.kr/index.icross 背包客棧 http://www.backpackers.com.tw/ FACEBOOK韓國工作假期之香港人群組「韓工社」 https://www.facebook.com/groups/111249795621478/ 兼職天國 http://www.alba.co.kr/ Seoul Global Center http://global.seoul.go.kr/ Community Korea http://www.communitykorea.com/ Visit Seoul http://www.visitseoul.net/cb/index.do 阿妙韓國食記 https://www.facebook.com/korean.miu 【住屋資訊】 Craigslist Korea http://seoul.craigslist.co.kr/hhh/ 考試院網頁Gosi1.net http://gosi1.net/ 考試院網頁Habang http://www.habang.co.kr/en 奮鬥在韓國 http://www.icnkr.com/ 首爾交叉路(住屋資料版面) http://www.seoulkcr.com/ Room Dasio http://www.02-860-8484.com/ 【韓語

申請韓國工作假期，需要題交一個year plan，沒有特定格式，可以用word、powerpoint、小畫家、word pad、excel諸如此類也沒問題。方式可以係文章、point form、圖文並茂等等，但必須清晰地列出你的個人背景、此行目的、每個月想做的事及觀光的景點～～ 以下是阿妙想當年申請韓國工作假期時的year plan。非常簡單，用ms word打，兩頁A4紙就完成，沒有圖只有字。 請注意，year plan必須以 英文 或 韓文 撰寫，而且寫的內容不能有違反工作假期條款的東西，例如，跟據規定，工作假期人士不能從事教育、演藝、宗教、娛樂場所等工作，如果你在year plan寫「我想去韓國教中文」，咁就一定比人ban。 另外，經常有人犯的錯誤是，寫晒１２個月都有工作，條款規定不能做多於一份超過半年的工作，這點要注意了。 如果你的year plan有問題，工作人員一般都會email話你知，叫你再寫過以電郵補交，所以不用太擔心。 My Working Holiday in Korea Applicant: (你的名字) 阿妙 Date: (預計入境及出境日期) 2012年8月3日-2013年8月2日 Background: (所有野只可以用英文或韓文寫,阿妙因為哩個係參考,所以先用中文) 我叫趙阿妙,今年xx歲,10歲開始中意韓國野,尤其係2pm,真係好中意,所以一定要去…… (哩度可以寫二三百字,開於你個人的背景,對韓國的認識,點解中意韓國,你預計這旅程對你人生有乜影響,之類~講到自己唔去唔得,咁就ok~) Purpose: (哩度再point form列出幾點你此行的目的,又再提提大家,必需用英文或韓文寫) (1)溝韓仔 (2)食泡菜 (3)買人參 (4)睇韓劇 (5)學韓文 (6)日日去玩 Year Plan: (哩度,逐個月,講下你會做d乜,建議大家,工作半年,玩半年,最隱陣) August 2012 搵屋 觀光地點: 首爾 (在 韓國觀光公社網頁copy and paste晒d景點名就可以,又或你可以具體講你去邊個地方睇乜,如:去濟州睇油菜花田、去鎮海睇櫻花,等等。但記住留意時令。有人問我,唔識韓文式英文 的地方名咁算~冇可能唔識,只係o係韓國觀光公社cop

如 果大家在韓國找到一份工作，老闆有幫你搞「四大保險」，即每個月會扣起一部份人工作為強積金供款。這是很正常的程序（如果那公司是有點規模，又或做事很正 式的，通常會這樣做，很多時是免稅店。但一般民宿的話就很少有了）。老闆會為你在國民年金保險問個戶口，每個月存錢進去。其實我也不太清楚所存的是薪金的 多少％，只知道，我的四大保一個月約45000won（已包醫療及意外，我當時薪金約80萬won一個月）。 當工作假期完結，是可以在機場辦理國民年金取金手續。但阿妙想當年走得太匆忙了，來不及辦。事隔半年有多，最近等錢使，於是我昨天去首爾的辦公室取款。 地址： 首爾地鐵２號線忠正路站，九號出口，出來後一直行約70米，寧寧舍舍有一座很高的大廈（周圍都是矮樓），那就是國民年金大樓。進去後，搭電梯上９樓。   手續： 如果你的ｗｈ簽證還未完，帶同你的（１）護照、（２）銀行簿仔、（３）回程機票、（４）外國人登錄證，到辦公室後在櫃位辦理，即可。 如果你的ｗｈ簽證已經完結，但你又身在韓國，你的外國人登陸證應該已被收起。所以只需帶登錄證副本，又或抄下號碼也可以，回程機票也不需要出示，因為他們可看到你出境記錄，只需帶（１）護照、（２）銀行簿仔，即可。 領取年金日子： 最快可以即時拿錢，又或一兩日內銀行過數。 大家臨走時，就記得去領回年金了啊！ 阿妙的這一筆錢不多，也夠交一個月租金，還有1500won利息～嘻～～～

不時有年輕少女們，會問阿妙及其他blogger 朋友，關於跟韓國男人交往的愛情問題。我們發現，這些女生都有共同的問題。 (一)唔肯放手 跟韓國男友拍拖拍得好辛苦，明知冇可能、冇將來，因為唔捨得，就是不願放手。男朋友係玩女王；男朋友父母唔鍾意外國人；男朋友成日玩失蹤……情況要幾壞有幾壞，但就係唔放手。因為「我驚分左手，搵唔到第二個韓國男朋友」，下？你又知？ (二)太快投放太多感情 有ｄ識唔夠一個月，就算未見過面係long d，都開晒facebook 記錄異國戀愛史，仲自行諗好晒將來會點。講真，就算拍拖頭三個月你都未必摸得清對方性格啦…… (三)分唔清真心假意 對異地戀，好不安，加上語言不通，成日分唔清對方講o既野係真定假。想分真定假…而家買名牌袋咩？睇男人，唔係睇佢真定假，而係睇佢對你好唔好。對你好的人未必係真心，但對你唔好的人一定係負心，這是硬道理。 (四)用錯方法 想搵個韓國男朋友做結婚對像，正路方法有好多，讀好韓文，再上網同韓國人做下語言交流、過來韓國工作假期、在香港找份韓國公司的工作、去澳洲讀書……諸如 此類。但很多時女生們就偏偏愛走截徑，落club 去酒吧玩溝仔apps……係好容易識到人呀，但需知道呢d途徑，都係玩家多，點會有真愛？ (五)太執著要搵一個韓國男人 世界上有三十億男人，中港台男人也超過六億，偏要找個韓國男朋友不可。講到尾，其實韓國男人都只不過係尋常人而已。 (六)存在太多幻想 有些跟韓國男人正在談一段長距離的戀愛之女生們，對韓國生活都是非常嚮往的。試過有廿歲出頭大學還未畢業的女生，問問題時寫住「正等待做韓國人妻，下個月 來韓國過試婚生活」，原來係為左男朋友所以過來小住，但唔識煮飯洗衫未工作過又唔識韓文，男朋友仲要未當兵……於是不斷請教各大版主如何在韓國生活……其 實，唔好諗咁多野，好好讀埋個書先啦～ (七)好在意對方快唔快覆message 人地得閒就會覆，唔得閒咪遲ｄ覆law，總之唔係唔覆就得啦。覆得快同慢，同佢係好定壞冇直接關係。唔好再在意佢快覆定遲覆，我其實真係唔知，你男朋友遲覆你message 係咪因為佢有第二個女人…… (八)關於見家長的問題 唔帶你見家長就驚人地對你唔認真，好快帶你見家長又嫌太快冇心理準備…… 想同你認真交往的韓國男人，應該好快會帶你見家長。因為需要確定佢父母係

一連講左咁多關於上網/用apps 識韓仔之奇形怪狀，好似好灰咁！咁阿妙又唔係話一心要打沉大家o既，現實當中又總有成功例子。呢篇不如等我講，在網上/apps 認識，港韓戀成功例子比大家聽下，激勵一下大家的士氣～哈！ 實例一：facebook「 來自香港的韓國人妻 」 金師奶其實o係香港出埋書架喇。佢同老公係交友網認識，大家都有共同的宗教信仰，加上大家也不是十八廿二了，所以進展得特別快。而這個男人職業家庭性格外 貌都非常正常，而且有誠意，在認識不久已經做左好多野，每日打長途同佢傾計、又EMS 禮物比佢，仲同佢計畫將來。最初金師奶亦半信半疑，但三個月後這男人真的飛來香港跪地求婚，金師奶不理一切決心嫁去韓國，自始兩人幸福快樂地生活。金師奶 最近更加有喜，應該以後都在家中相夫教子做少奶奶。大家不妨去書局搵下佢本《我有一個泡菜老公》，睇下佢神奇的經歷。 實例二：facebook「 에바的港韓異國戀事簿 」 女版主跟男朋友在網上認識，起初大家都以語言學習為目的，但傾傾下日久生情……當中如何撻著的詳細野就唔講喇（因為阿妙都唔係好知～ｈａｈａ）。呢一年，她來到 韓國工作假期，跟男朋友活在同一天空下，男朋友的家人也對他呵護備至。有次update facebook fanspage，版主話男朋友帶佢出席家族活動（好似係阿爺生日定點）。男朋友在大家面前，拉住她的手走出來，跟大家說：「我向大家介紹，這個女人是我 的結婚對象，請大家多多關照！」親戚們即時掌聲雷動，真係拍韓劇一樣呀！甜到爆～～ －－－－－－－－－－－－－－－－－－－－－－－－－－－－－－－－ 阿妙結論：感情路上，你是獨行定係有伴，遇到的是好人還是衰人，條路係平坦定艱辛，最終能否牽手到老……所有都係命運，都係緣份。不用太緊張，最緊要開心。

前幾天，跟幾位「駐韓」的香港朋友吃飯飲野lady's talk。我們做了統計，在apps上認識到的韓國男人，拍拖拍得一兩個月，有七成都會奇奇怪，我們綜合了怪況如下： （一）玩失蹤 好好地，無啦啦唔見左人，完全失去聯絡。兩星期後，又突然出現。佢可能會解釋，「我唔見左電話」、「我入左醫院」、「我每日OT」諸如此類。其實，咁即係代表，佢心中冇你囉，咁仲唔明？人地見無聊冇野做，先紆尊降貴搵下你咋。 （二）借錢 認識不久的韓國男朋友問香港女朋友借錢，阿妙最少聽過五個case。找卡數、朋友有事、交學費、交租、買車、隻狗睇醫生、阿婆入醫院，可唔可以借住來先。 數量唔多，每次借幾千，但個個月係咁借就變幾萬，女人們因為唔想冇左個男朋友，通常「算啦，借啦」。請諗深一層，而家唔係問你借錢做生意幾百萬上落喎，而 係窮到冇錢開飯要問你借一千幾百o既男人，值唔值得呢？ 順帶一提，借左出去o既錢就唔好諗住拎得返，你人在香港，韓文又唔識多句，點拎？除非事先寫了借據，借據上需要有對方的姓名、住民登錄號碼、手提電話等資料及蓋章簽名，並要keep 低你匯款到韓國銀行的證明。這樣的話，可以報警處理。 （三）唔覆kakao/line/message 這是韓國男人（有或是所有男人？）的通病，鍾意就狂打比你、日日message你到凌晨。但又會無啦啦唔搵你唔覆message，又或你send 十個他才回你一個，女人們往往會心思思，完全佔下風。 （四）原來係有老婆或女朋友 有message 要掩住來睇，有電話來要行開先接，成日話見面又甩底，大時大節星期六日通常都消失，星期一至五先會同你約會。你漸漸會發現，其實佢係有女朋友/老婆的。 （五）得個講 常見於，剛剛上網識/交往無耐，你人在香港，聽見你話來韓國探佢，佢會話「我屋企有吉房喎過來住丫」，到你真係上飛機喇，佢先話「下，你真係來架？我屋企 唔得呀，你住酒店啦」。又或，原本message flirt 得好好地，聽見你要來韓國搵佢，約埋時間及見面地點諗住可以一見，但卻到當日又失去聯絡。 （六）當你係白痴 當外國人係白痴咁，冇讀過大學卻同你講「(全國第一的)首爾大學收左我架喇，我嫌遠唔讀咋嘛」，將近四十歲人得o個150 萬(hkd10000) 人工同你講「三星原本請我，我覺得錢太少所以唔做咋嘛」……講大話都講得聰明ｄ

好喇，之前講了不少關於傳統韓國男人的性格特徵。 如果大家想接受挑戰的話，阿妙也不妨在此，公開一些識韓仔的apps比大家。 1. 너랑나랑 玩法：填寫自己的簡易資料，並可以set一條問對方的問題。之後就會隨機抽出兩位男人，你要「二揀一」，當然你揀人人也揀你，如果你揀的那個人選擇了別人 那你就輸了。直至你別同一位男士都選擇了對方到第二輪，系統就會向對方發問你先前set的那個問題（例如你可以問：你會說英文嗎？），看了答案後第三輪你 們也選擇了彼此，才可以開始對話。 以貌取人度：高（最好放一張最靚o既相上profile，不然你會冇人揀） 所需韓文程度：中級 仔仔質素：外表一般，通常絕大部份唔識英文，傾幾句就要約出來食飯。 評價：揀來揀去，亦可以睇到自己輸比邊個女生，增加趣味性。但玩得幾星期就會覺得煩。 遇到壞人的機會率：中  －－－－－－－－－－－－－－－－－－－－－－－－－－－－－－－－－ 2. E-PENPAL 玩法：填晒自己的資料，之後就等人send message比你，又或你可以揀人來send message，玩法非常簡單。 以貌取人度：中（需要填寫的個人資料比較詳細，樣子只是其次） 所需韓文程度：初級，或不需要。 仔仔質素：外表非常一般，有一半都識英文／中文，很多都是本身想學好外語、想跟外國人交朋友的韓國人。另外也有其他不同國籍的人士。 評價：玩法簡單，可以即時對話，是一個練韓文的好地方。可以看到對方更多資料例如年齡、興趣、職業等。 遇到壞人的機會率：中低  －－－－－－－－－－－－－－－－－－－－－－－－－－－－－－－－－－－－－ 3. BADOO 玩法：填寫個人資料，之後可以進行配對，系統會揀相比你睇，你中意的可以在「想見面嗎？」那裡揀「好」，之後對方就會知道你選擇了他，再進行對話。又或，可用「附近會員」，揀人傾計。但當然如果你身在香港，附近的可能都只是香港人～哈～ 以貌取人度：高（靚相非常仲要，放得愈多相愈多人ＨＩ你） 所需韓文程度：初級，或不需要。 仔仔質素：外表還可以，燕瘦環肥什麼類型也有，也會遇到識英文或中文的人。 評價：可以即時對話，對方的資料也詳盡，年齡偏大，三十歲以上人士較多。等。 遇到壞人的機會率：中高 －－－－－－

早前有朋友到韓國旅遊，在東大門遇到奇怪搭訕男，硬要請她去飲咖啡，又問她拿電話號碼，令她花容失色。其實 這個情況，在韓國見怪不怪，記得韓國男人的特質嗎？就是「乜都要快」同埋「進取」～如果你在這邊待久了，就會發覺韓男真的很喜歡在街上搭訕～阿妙本人以及 朋友們都有類似的經歷！ （在此先聲明我們都是外表普通的八十後女生啊，並不突出，而且地點都不是在club 或酒吧，而是大街大巷～） （一） 以前阿妙住東國大學附近，有天晚上十時多落街想買杯咖啡，過馬路時被一個三十多歲男人搭訕，說自己是東國大畢業生，在LG 工作的。阿妙說自己不會韓語，他隨即講流利英文，過完馬路後更抓住我的手不讓我走，他說只想跟我喝一杯酒，十五分鐘就走，隨即拉我到旁邊的炸雞店，跟他的 兩個朋友一起飲酒吃雞。結果阿妙，飲了一杯500CC 啤酒就脫身了~ （二） 有次阿妙在光化門附近，同樣是十時多，正想回家但突然下大雨，沒有雨傘在路邊等著，一個年輕人搭訕，邊傾邊拉阿妙到旁邊的煎餅店，吃煎餅及飲米酒，出盡甜言蜜語，最後雨停了，阿妙匆匆回家，他依依不捨但也沒我辦法～ＨＡＨＡ～ （三） 在新村地鐵站附近等朋友，突然有位貌似大學生的男子，說很想認識我，可不可以抽點時間一起去飲咖啡，阿妙就約了朋友沒時間，就走開開了。 （四） 在新村的咖啡店飲咖啡，同樣時貌似大學生的男子，原本只是問「這張椅子有人坐嗎？可以拿去嗎？」之後便搭訕起來，問阿妙拎電話～ （五） 在弘大跟朋友S，吃烤肉，位子很窄很迫，幾乎跟鄰桌是並排的。旁邊的是兩位中年男士，聲稱是建築公司的經理，不斷望住（靚靚的...?）阿妙及用爛爛的英 文搭訕，最後更問：「吃完烤肉，一起去另的地方飲一杯，如何？」阿妙說，不行了，很累，糾纏了一會，最後他放棄了～ＨＡＨＡ~阿妙自此被朋友S，封為「阿 叔殺手」。 （六） 在地鐵站等地鐵，一位中年男士，跟阿妙說「現在你去哪裏？回家嗎？跟我飲一杯怎樣？」幸好當時車到了，阿妙迅速就閃上了車。 （七） 飲半杯啤酒都會醉的阿妙，試過兩次，分別在烤肉店及廣藏市場，被旁邊的大叔請飲一支大啤及一支燒酒，點飲呀…… 其實他們未必有惡意，因為搭訕及飲酒已經是韓男生活的一部份。但來旅遊的女生們，遇到這些情況還是要小心保護自己啊，不要出聲，快快走開就可以了~~

近年因為手機apps 的興起，香港女人很易識到韓國男人，就算本身完全不會說韓語也好。以阿妙的觀察及經驗是，韓國是一個很排外的民族，跟香港不一樣，他們不易去接受外國人。 而且韓國人大多恐懼說英文，那為什麼這些韓男會選擇跟外國女人交往呢？這是一個很值得深思的問題。 阿妙就綜合了以下的幾項，如果，你唔識韓文而佢中英文又唔多好的情況下，佢地仲會揀你做女朋友的原因是： （一）他們在外國讀書、工作、生活過，又或經常跟外國人一起工作，不抗拒跟外國人交朋友，甚至中英文說得不錯的。這類是最常見亦最正常的。 （二）他們想學好外語，所以想以交女朋友這方法去練英文/中文，又或他的性格本身很喜歡結交外國朋友，增廣見聞。這類男人經常活躍於各大交友apps 之中。 （三）他們條件不好，所以找不到韓國女朋友，例如年紀大（如：就來四十歲，趕住要結婚生仔）、離過婚、樣衰或太矮、職業唔好（如：耕田之類）。這個也常見，他們通常會透過國際婚姻仲介，娶越南、印民、中國人等等。 （四）他們覺得未試過跟外國人交往，感覺很新鮮、新奇、有趣。這類以年輕人為主。 （五）他們覺得，自己可以識到外國女友好有型。這類以年輕人為主。 （六）他們在工作上、金錢上，想利用你達到一些目的。他可能知道你中文英文好可以幫佢應付公司客戶，又或知道你可以幫他開的公司拓展中港台市場，又或想靠 你問朋友借錢，又或做海外貿易的想靠你的中港人脈關係等等。這情況阿妙見得多，但因為這類男人的條件通常不錯（甚至可能已經有老婆仔女！），女人們很多就 這樣不能自拔。另外，阿妙聽過四、五個例子是，韓國男朋友問香港女朋友借錢，要佢地還就真係艱難了。 （七）他們覺得外國女人（尤其金髮碧眼一類西方人）思想開放，易得手。聽說這是很普遍觀念，常見於在酒吧、club 認識的韓男。 （八）工作太忙，很難識女仔，但又因為寂寞，所以試下上apps 識外國女人睇下得唔得。外國女因為語言不通，冇韓國女人又要哄要錫要諗將來咁麻煩。 （九）你真係靚到dum 一聲，所以對你一見鍾情。 總結，以上的一至五、八至九類都屬於正常及普遍，但六、七兩類就要小心。對阿妙來說，韓男跟港男一樣，有好人亦有壞人，實在不必對他們存有過份的幻想及期待。 可能你會覺得，阿妙好悲觀。其實將心比己，為何有些香港女生咁想搵韓國男朋友？也不外乎是這些原因罷。

一年多前，阿妙來到韓國，其中一個最重要的目的是，想找個男人結婚生仔！～ｈａｈａｈａ～～但一年過去了， 發現其實韓國男人並不很好，最多只是外表身型比較突出而已。然而，因為被韓劇長期薰陶的關係，不少香港女生都夢想自己可以嫁過來韓國，並透過網上、手機 apps識韓仔。今日阿妙想講下，韓國男人的一些特質，讓大家在發展感情時，可以了解這些文化差異，小心交友。 韓國男人的特質： 1.乜都要快，相識、互相了解、表白、拖手，佢地都想盡量用最短時間去完成。於是，很多時，相識當日已經會問你「不如做我女朋友」，拍拖一兩日就會問你「不如我地去Motel 好唔好」。無論他們是好人還是壞人，性格本身也是如此急進。 2.行為好突然，不能用常理去理解。他們可以，昨天還是好地地的，今天同你say goodbye 話唔鍾意你；原本每日都講電話，突然有一日玩失蹤，完全唔打比你唔覆message，幾星期之後又會突然出現當乜事都冇發生過；今日鍾意哩個，總日突然唔鍾意，之類。 3.很進取，他們明白，想得到就要自己爭取，鍾意就去追求，所以如果他們對你有意思，攻勢可以是非常煩、強勁、令人招架不住的。他們不介意用任何方式去識女仔，所以網上搵女朋友非常普遍，這也是為何咁多港女台女都有個韓國男朋友的原因。 4.有很多韓國朋友都講過，有好一部份的韓國男人的思考方式，是「先上床後交往」。所以識幾日就要求發生關係這情況是相當普遍的（就連有朋友到慶熙學韓文，第一堂老師就這樣提醒各位女同學！）。 5.當你以為，佢帶你見阿媽，帶你見朋友，就等於肯定你女朋友的地位，那就錯了！在我所認識的朋友當中，見晒佢所有屋企人好朋友，不到幾個月話分手就分手的為數亦不少。只有當這個男人在中秋、新年或者係阿爺擺八十大壽時帶你出席介紹比人識，先真正視你為結婚對象。 6.真正非常大男人、會打女人的那種韓男，不常見，但骨子裏他們還是有點大男人的，例如，他們喜歡老婆留在家洗衫煮飯湊仔，不要求老婆出去搵野做，食飯唔 使女朋友比錢，會花錢買禮物比女朋友，這是因為，他們覺得「我係一個男人，唔使女人做哩ｄ野」。對我地女生來講，幾好丫～ｈａｈａ～（所以真係好多嫁過來 的港台女性自此成為少奶奶，越南新娘嫁比農村韓男ｏ個ｄ除外） 7.韓國男人如果到３５歲都冇拍拖、未結婚，係會被歧視的。首先大家會覺得佢地有問題所以先搵唔到老婆，其次在公司

很久沒去過東大門～今次去探訪一家服務住宅式的民宿「吾家宅窩」！ 這家店是阿妙的朋友克萊兒開的，她來自台灣，老公是韓國人啊！～在網上也是個人氣blogger 呢～～幾年前阿妙來韓國看2PM 演唱會就認識到她了，想當年很羨慕她可以跟著韓國男朋友（那時她還未是人妻啦～）在首爾定居～嘻～～想不到現在，她已經擁有自己的民宿了。 東大門的吾家宅窩，在一座OFFICETEL 內，這種住宅在首爾是比較貴的呢～內裏都是一間間studio 式的小房小。地點就在乙支路四街地鐵站三分鐘就到，跟東大門歷史文化公園站也只是五分鐘。七分鐘便走到清溪川、廣藏市場了，真的是中心點～～ 阿妙住的是十幾樓，走廊是很典型韓國feel~haha 啊~~很別緻啊~~~~阿妙最喜歡住officetel 了~ 大窗、木地板、四四正正的。 窗房有間小房子，其實內裏是gas 爐啦~是用來供應熱水及地暖的，一般officetel 都會有這樣的設計。所以這個小門是沒有什麼用處的~可以不理~~ 開放式小廚房，洗衣機都有呀！！ 阿妙很欣賞吾家宅窩，有煮食廚具、餐具供應啊！很多同類型的民宿都沒有煮食鍋呢！所以，阿妙夜晚來個辛辣麵加蛋做宵夜也沒問題～嘻～～ 也有這個，必備的電熱水壺。 小客廳。電視有幾百個台，唔似香港得兩個… 開電視及free wifi 的小提示，就貼在櫃上，很方便～ 最令阿妙覺得神奇的是，連洗con 水都有??全新未開的~~~ 阿妙家也是飲這個版子的咖啡啊～ＭＡＸＩＭ 應該是韓國即沖咖啡之中最好飲的，不妨到超市買點做手信～ 他們很貼心地製作了小手冊啊，教大家去附近景店、退稅、房內電器使用等等。 衣櫃內有多份被鋪。 探頭出窗外，左面正正的就是東大門HOTEL ACACIA、HOTEL RAMADA 及Western coop~~再不遠處就是新開不久的LOTTE FITIN~~ 向右望就是乙支路、明洞方向，可見到國都酒店、PJ HOTEL 同南山呢~~ 阿妙覺得地點真不錯，晚晚行東大門都得呀！而且又比酒店便宜，不妨考慮一下啊～～SEND EMAIL 過去問價及訂房就可以了。除了這家單/雙人房，還有家庭房的～～ 吾家宅窩-東大門家庭式套房 地址：首爾市中區乙支路五街21-

想學好韓文，來韓國學一定事半功倍，短短一年半，每天上堂，你就可以由零學到「嘞嘞聲」了！而香港人都愛讀大學的韓文課程，如延世、西江、梨大、慶熙、成均館這幾家都是熱門的大學，但一個十星期課程就需要150萬won(hkd10500)了，讀晒六期要港幣六萬幾！ 大學讀學文，一來貴，二來功課多壓力大，阿妙一向懶（嘻），所以只選擇了類於補習社的語言學堂，價錢便宜，同樣是星期一至五上課，每天兩小時，由18萬至 30萬幾不等，而且更可隨時插班隨時停課，彈性較大，出席率及考試成績也沒有大學課程般緊張。這類語言學校較為出名的有位於鐘路三街的YBM、弘大的 Ganada、狎鷗亭的Easy Korean等。阿妙覺得Easy Korean是值得推薦的。 在狎鷗亭的大廈內，佔了兩層。 地方不算大，但很舒服啊！ 接待處的一隅。 韓語老師有二十幾個，有的會講日文、中文、英文等等，當年阿妙的老師是法文系畢業的。 他們出版了自己的教材，這本教科書連香港的韓文學校也有用的，彩色印刷，有中、英、日翻譯。 教室都是小小的，因為這裏是小班教學，一班五六個人左右。 分為上午班及下午班，上午班會比較多人。想要入讀的話，上以先網上報名，又或任何時間親自上到學校就可以，先考一個分班試，第二日就可以上堂。最好在月尾 報名啊，因為月頭開課。學費在學校的網頁可以看到，阿妙想當年讀，一個月三十多萬而已，港幣二千多元～網頁有中、英文版本的。 這學校很受日本人歡迎，入讀的八成都是日本人，所以阿妙也認識了很多日本朋友呢！由於日本人不太會英文，平時跟他們都是用韓文溝通，感覺很奇妙～～哈 阿妙也有到過其他韓語學堂上課，最喜歡的還是Easy Korean，因為小班教學，上課時練習會話的機會很多，每天不停地講，進度不會慢。雖然這裏沒有大學語學堂的大量測驗及功課，但他們對出席率以及每個月 的升班試，態度也非常嚴謹，如果考試不及格就要補考，再不合格就要留班！ 阿妙初初來到韓國，在這裏待了四個月，會話突飛猛進，之後因為想打工就停學了。 如果大家想來韓國短短地學一兩個月韓文，這裏會是個好選擇呢！ Easy Korean Academy 地址：首爾江南區新沙洞619-2正進大廈3樓 網頁：http://edukorean.com/ 前往方法：

朋友們來韓國玩，化妝品護膚品衫褲鞋襪文具精品當然在朋友的必買之列。但去到超市，他們仍然是只會買紫菜、辛辣麵同market o做手信……（相信友人公司同事一年起碼吃ｎ次韓國紫菜ｈａｈａ）。 阿妙不禁問：「唔悶架咩？」 友人：「冇辦法哩，想買ｄ可以即開即食的比ｄ同事丫嘛。」 其實超市和便利店，還有很多好東西，都是即食的啊！ 1.紅蔘飲料 近年韓國勁流行！這種紅蔘飲品是健康飲料，味道甜甜地帶有蔘味，獨立包裝 一次飲一包，在各大便利店、藥房都可買到散裝出售的，而在百貨公司的專櫃則可以買到一個月30包或兩個月60包裝（韓國人相信要每日飲一包～嘻～）。阿妙 家樓下的便利店，竟然可以找到「正官庄」的出品，一包1 500won(hkd11)，含6%的紅蔘精華啊！ 其實除了這個包裝的，其他品牌還會有小支裝的，總之寫著「홍삼」就是了。 2.即沖海帶湯、北魚湯 各大超市都可以到這個黃色包裝品牌的食品，當中阿妙最喜歡是他們的海帶湯（미역국）。韓國人會在生日時飲這個湯啊～另外也有北魚湯（복어국），北魚呢其實 是……反正就是一種魚，韓國人會做成魚乾，味道有點像我們柴魚花生粥的柴魚，一般會將魚乾加點翠玉瓜、蛋花等滾一個湯。 這個品牌的湯，有一盒兩個裝，以及一盒五個裝，都是獨立包網，加入滾水焗一會即可飲用～很方便啊～ 3.米糖水 「식혜」各大便利店超市都有得賣，而且也有不同的包裝及牌子，是韓國特有飲品，用米做成，甜甜淡淡的又帶米香，好解渴呢！其實就係大家去汗蒸幕時，小食部買到的那種飲品喇～裏面仲會有一粒粒已經熟到綿綿的米呢～ 4.即食炒泡菜 在便利店可找到這種볶음김치，即是炒過的泡菜 ，炒過後質地較軟，酸度也較低，很易入口，而且有不同口味，有加入午餐肉的，也有跟吞拿魚一起炒的，即開即食，拌飯、伴公仔面吃也可， 1500won十蚊港幣左右，很方便啊！~~

話說，阿妙要告別住了一年的弘大區，搬到首爾東面一個很遠的地方ㅠㅠ 阿妙在首爾住了一年有多了，所以，雜物也蠻多的。多謝友人S 及友人E 的仗義相助。(點解感覺好似走難咁……ㅠㅠ) CALL了韓國類似香港「成記」的貨Van，電話：1588-2459，網頁http://www.1588-2459.com/。方法就好似香港咁，搬 晒ｄ野落樓，之後打電話上「call台」講由邊區搬去邊區，五至十分鐘後就會有司機打比你問地址，三、四個字就會到達，仲會幫你將貨物搬上車落車添～～價 錢亦都係全首爾最平，阿妙由首爾西搬到東，也只是18000won(hkd120)。但，必需全韓文對答～ 阿妙今次住的是one room，在韓國是非常流行的啊，即是一間小房子，開放式的內裏沒有什麼間隔，但廚廁齊全，包基本家電及家具，上網、有線電視、冷暖氣都有啊。阿妙住的這 家更包水電雜費，可以不理後果冬天長開地暖～ｈａｈａ～～但比較貴呢，一個月租金50 萬（hkd 3500），保證金五百萬（hkd 35000）。這類one room，一般需要簽一年約，一年後離開的話可以全數取回保證金。在「不動產」（即地產公司）找就可以了，又或需要透過韓國朋友介紹，韓語沒有基本的二級 的話，很難跟房東溝通啊～ 很可惜，這個是傳統式的one room，沒有桌子沒有床，換句話說整個生活也要像韓國人一樣「黐住個地」，阿妙這樣打稿腰很痛呢，於是自行買了這張書台，gmarket 網購的，只需hkd 170，很便宜啊～～ 客廳＋飯廳 終於有電視睇喇，仲要收到高清台！唔係考試院ｄ低清～～ 小廚房，旁邊便是一個大廁所～ 很整潔，哩ｄ先係人住架嘛！！（事關阿妙之前住的地方由考試院到share house到地下室，情況都真係慘不忍睹） 如上文所說的，這房間沒有床，只有床塾。很多韓國人都喜歡這樣睡覺，不會覺得地很硬周身痛瞓唔到。阿妙也覺得沒什麼問題的，尤其到了冬天，因為韓國的房子有地暖，地下發熱，睡在地上是保命的方法之一！很重要啊～ 窗外，很開揚。這是在地鐵「彌亞」站後面的一個山上啊ㅠㅠ（彌亞站在哪？在誠信女子大學再上幾個站，總之就…好遠啦…唉……） 跟香港不同，香港住半山的都是有錢人，在韓國，愈住得高愈草根！大家記得《秘密花園》的女主角吉羅琳嗎？她就是住在東大門附